Жиззахда МИБ аралашуви билан яна бир оила яраштирилди
Оила ҳаёт абадийлиги, авлодлар давомийлигини таминлайдиган, урф-одатлар сайқал топадиган, келажак авлод камолотига бевосита таъсир кўрсатадиган тарбия масканидир. Лекин айрим оилаларда асосли ва асоссиз сабаблар билан ажримлар кузатилиб туради. Натижада алимент қарздорликлари кўпайиш ҳолати келиб чиқади.
Жиззах шаҳар Мажбурий ижро бюросининг Zamon.uz'ga тақдим этган маълумотларига кўра, вилоятда нафақат алимент ундириш билан боғлиқ ижро ишлари кўриб чиқилаётгани, балки низоли оилаларни яраштириш чоралари ҳам кўрилмоқда.
Қайд этилишича, оилалар ўртасида кузатилаётган ажримларнинг олдини олиш ва ундирилиши керак бўлган алимент қарздорликлари каби масалалар юзасидан Бюронинг Жиззах шаҳар бўлими томонидан бир қатор ишлар амалга оширилган.
Хусусан, Жиззах шаҳрида яшовчи С.Холиқов ва И. Холиқова анча йиллар бахтли оила бўлиб яшашган. Кейинчалик айрим сабаблар натижасида ўзаро келишмовчиликлар келиб чиқиб, 1 йил мобайнида бирга яшашмаган ҳамда оила ажрим ёқасига келиб қолган. Бюронинг Жиззах шаҳар бўлими давлат ижрочиси Д. Ибрагимованинг аралашуви билан эса ушбу оила муросага келишига эришилди.
Ҳозирда ушбу оила бир нафар фарзанди билан тинч-тотув яшамоқда.
Эслатиб ўтамиз, аввалроқ ажримга қандай ҳолатлар сабаб бўлиши мумкинлиги ҳақида хабар берилганди.
Озода Чориева тайёрлади.
