2022-2023-ўқув йили учун олий таълим муассасаларининг бакалавриат таълим йўналишларига кириш тест синовлари бўйича танлов натижалари эълон қилинди. Бу ҳақда Давлат тест марказининг расмий телеграм каналида хабар қилинди.
Танлов натижаларини 6 хил усулда билиш мумкин.
1) my.dtm.uz сайти орқали: сайтга абитуриентнинг паспорт серияси ва рақами ҳамда шахсий идентификация рақамини киритган ҳолда.
2) mandat.dtm.uz сайти орқали: сайтнинг “Бакалавр-2022” бўлимига абитуриентнинг ID-рақамини киритган ҳолда.
3) SMS хабарнома хизмати орқали: 5100 рақамига абитуриентнинг ID-рақами юборилганда, мазкур телефон рақамига танлов натижалари бўйича SMS хабарнома юборилади (хизмат ҳақи мавжуд).
4) Давлат тест марказининг телеграм ботлари орқали (абитуриентнинг ID-рақамини юборган ҳолда).
5) QR-код орқали: Абитуриент рухсатномасининг қуйи қисмидаги QR-код (натижани кўриш учун ҳавола) ни сканер қилган ҳолда.
6) Тест натижалари қайдномаси орқали: Шунингдек, тест натижалари қайдномаси олий таълим муассасаларига тақдим этилади.