ЖССТ: COVID-19 пандемиясидан сўнг, инсоният кўплаб инқирозларга дуч келади
Қашшоқлик, очлик, тенгсизлик, юқумли касалликлар, иқлим ўзгариши каби муаммолар инсониятга хавф солмоқда.
Коронавирус пандемияси тугагандан сўнг, инсоният қашшоқлик, очлик, тенгсизлик, касалликлар, иқлим ўзгариши ва бошқа инқирозларга дуч келади. Бундай прогнозни Жаҳон соғлиқни сақлаш ташкилоти раҳбари Тедрос Адан Гебреесус маълум қилди.
ЖССТ Бош директори саломатликни мустаҳкамлаш бўйича 10-глобал конференсияда сўзга чиқиб, ҳукуматларни “одамлар ва сайёрамиз саломатлиги ва фаровонлигига асосланган иқтисодий ўсишни рағбатлантиришга” чақирди.
"Давлатларнинг саъй-ҳаракатлари замирида ижтимоий, иқтисодий ва сиёсий барқарорликнинг асоси бўлган аҳолини тиббий хизматлар билан тўлиқ қамраб олишга эришиш бўлиши керак", — дейди ЖССТ раҳбари.
Аввалроқ ЖССТ коронавирусни ўрганадиган ва бўлажак пандемиянинг олдини олиш бўйича иш олиб борадиган 26 нафар олимдан иборат янги гуруҳ рўйхатини эълон қилган эди.
