«Ласетти»нинг дарахтга бориб урилиши оқибатида йўловчи вафот этди
Ижтимоий тармоқда “Бўстонлиқда “Ласетти” дарахтга урилди” сарлавҳаси остида тарқалган хабар юзасидан ЙҲХББ матбуот хизмати маълумот берди.
Жорий йилнинг 28 июн куни Тошкент вилояти, Бўстонлиқ туман ҳудудидан ўтган 4Р-12 автомобил йўлининг 47-километрида, ҳайдовчи “Ласетти” русумли автомобилни бошқариб бораётган вақтда рул бошқарувини йўқотиб, йўлнинг ўнг томонидаги дарахтга бориб урилган.
Натижада, йўловчи, 1991 йилда туғилган Ж.М. туман тиббиёт бирлашмаси жонлантириш бўлимида вафот этган ҳамда икки нафар йўловчиси шифохонага ётқизилган.
Мазкур ЙТҲ юзасидан Бўстонлиқ тумани ИИБ ҳузуридаги ТБ томонидан тергов ҳаракатлари олиб борилмоқда.
