Украина халқи ўз ҳудудининг маълум бир қисмидан воз кечишга тайёр эмас. Бу ҳақда мамлакат президенти Владимир Зеленский маълум қилди.
"Украиналиклар ўз еридан воз кечишга, бу ҳудудларни Россияга тегишли бўлишига тайёр эмас. Биз бу ҳақда доимий равишда гапирамиз ва исботламоқчимиз", — деган сиёсатчи CNN телеканалига берган интервьюсида.
Шунингдек, у НАТОдан ташқарида ҳеч қандай хавфсизлик кафолатларини кўрмаётганини айтган. Президентнинг фикрича, Киевни альянсга қабул қилмаслик тўғрисида қарор нотўғри ҳисобланади.
Аввалроқ Европа Комиссияси раиси Урсула фон Дер Ляйен Украинанинг ЕИга йўли узоқ бўлишини айтганди.