“Менимча, Мбаппе бу ғалабага лойиқ эди"
Дешам "Олтин тўп" учун овоз бериш натижаларидан норози.
Франция терма жамоаси бош мураббийи Диде Дешам “Олтин тўп” учун ўтказилган овоз бериш натижаларидан норози бўлди. Нуфузли мукофотни аргентиналик ҳужумчи Лионел Месси олди. Иккинчи ўринни норвегиялик ҳужумчи Эрлинг Ҳоланд эгаллади. Кучли учликни Франция терма жамоаси ҳужумчиси Килиан Мбаппе якунлади.
“Менимча, Мбаппе бу ғалабага лойиқ эди. Мен Месси ҳам, Ҳоланд ҳам бунга лойиқ эмас деб айтмайман. Мбаппе ёш, у эришган нарса "Олтин тўп"га лойиқдир. Унинг аниқ ҳафсаласи пир бўлган. Айримларнинг овозидан ҳайратда қолдим. Мбаппени кучли бешликка киритмаслик... Бу инсофсизлик, - деди Дешам.
Эслатиб ўтамиз, бу йил Месси саккиз карра “Олтин тўп” соҳибига айланди.
