Москвага қарши янги фронтда уруш бошлангани эълон қилинди
Бу Украинадаги махсус операция билан боғлиқ.
Anonymous ҳакерлик гуруҳи Россияга қарши киберуруш эълон қилди. Бу ҳақда "РИА новости" хабар берди.
"Anonymous" жамоаси расман РФга қарши уруш эълон қилади", — дейилган гуруҳнинг Twitter саҳифасида. Хабар сўнгида #Ukraine хештеги қолдирилган.
Шу билан бирга хакерлар Russia Today телеканалига қилинган киберҳужумга жавобгарликни ўз зиммасига олган. Шунингдек, пайшанба куни Россия ҳукумати, Кремль, РФ парламенти сайтлари фаолиятида узилишлар кузатилган. Путиннинг матбуот котиби Дмитрий Песков президент сайтига киберҳужум уюштирилмаганини маълум қилган.
Аввалроқ АҚШ президенти Украина учун ибодат қилишини айтганди.
