Украина учун ибодат қиламан — Байден
АҚШ президенти Украинадаги вазият юзасидан баёнот берди.
Путин кўплаб қурбонларга сабаб бўладиган уруш йўлини танлади. Бу ҳақда АҚШ раҳбари Жозеф Байден маълум қилди.
"Ушбу ҳужум оқибатида бериладиган қурбонлар ва вайронкорлик учун Россия жавобгар бўлади. АҚШ, унинг ҳамкорлари ва иттифоқчилари ягона ва қатъий жавоб беради. Дунё Россияни жавобгарликка тортади", — деган у. Шунингдек, у Украина атрофидаги воқеаларни диққат билан кузатиб боришини маълум қилган. Шу билан бирга Оқ уй раҳбари пайшанба куни америкаликларга мурожаат қилмоқчи.
"Бугун мен ва Жилл (Байденнинг рафиқаси) Украинанинг мард ва мағрур халқи учун ибодат қиламиз",– деб қўшимча қилган президент.
Эслатиб ўтамиз, аввалроқ Путин Донбассда махсус операция бошланганини эълон қилганди.
