Наманганда сўнгги икки кунда 4 та ёнғин бўлди, 6 та хонадон зарарланди
Ёнғин Чуст, Косонсой, Уйчи туманлари ва Наманган шаҳридаги хонадонларда бўлган.
Жорий йилнинг 22 ноябрь куни соат 12:40 да Чуст туманининг "Мустақиллик" маҳалла фуқаролар йиғини Гулзор кўчасида ёнғин содир бўлган. Талафот оқибатида ҳовлида бўлган 10 дона сомон пресслар ҳамда тахлаб қўйилган 15 дона ёғоч тўсинлари ёниб кетган.
Содир бўлган ёнғин Чуст туман Фавқулодда вазиятлар бўлими ёнғин-қутқарувчилари томонидан соат 13:02 да ўчирилган.
Тезкор ҳаракат натижасида ёнғин содир бўлган жойнинг 200 кв.метр жойи сақлаб қолинди.
Худди шу куни Косонсой тумани "Тахтакўприк" маҳалла фуқаролар йиғини Тинчлик кўчаси 73-уйда ҳам ёнғин келиб чиққан. Бунинг оқибатида яшаш уйи том қисмининг 25 кв.метр жойи, 150 дона пресланган сомони ёниб, зарарланган. Тезкор натижалар сабаб уйнинг 250 кв.метр жойи сақлаб қолинган.
Шу куннинг ўзида учинчи ёнғин, яъни 14:49 да Уйчи туман Фавқулодда вазиятлар бўлимига Уйчи тумани "Боёғон" маҳалла фуқаролар йиғини Ёр кўчаси 47-уйда ёнғин содир бўлаётганги тўғрисида маълумот келиб тушган. Талафот сабаб яшаш уйининг шифт ва том қисмидан 45 кв.метр жойи ёниб зарарланган. Ёнғин туман Фавқулодда вазиятлар бўлими ёнғин-қутқарувчилари томонидан соат 15:18 да ўчирилган.
Тезкор ҳаракат натижасида Уйчи туман Фавқулодда вазиятлар бўлими ёнғин-қутқарувчилари томонидан 270 кв.метр жойи сақлаб қолинди.
Жорий йилнинг 23 ноябрь куни соат тонг (04:02)да Наманган шаҳар "Курашхона" маҳалласи Ҳунарманд кўчаси 4-берк 6-уйда ёнғин бўлган. Оқибатда яшаш уйининг шифт ва том қисмидан 70 кв.метр жойи, уй-рўзғор буюмлари, уй эгасига тегишли ҳужжатлари ҳамда қўшниси яшаш уйининг шифт ва том қисмидан 20 кв. метр жойи ҳамда қисман уй-рўзғор буюмлари, шунингдек, қўшниси 2-берк 2-хонадоннинг яшаш уйининг шифт ва том қисмидан 20 кв. метр жойи уй-рўзғор буюмлари қисман ёниб зарарланган.
Содир бўлган ёнғин 04:50 да ўчирилган.
Содир бўлган ёнғинлар натижасида инсонларни куйиш тан жароҳати олиш ҳамда ҳалок бўлиш ҳолатларига йўл қўйилмаган. Ҳозирда терговга қадар суриштирув ишлари олиб борилмоқда.
Баҳринисо Мадумарова
