Эртага, 24 апрелдан бошлаб Наманган шаҳрининг айрим кўчаларида тирбандликларни олдини олиш мақсадида синов тариқасида транспорт воситалари учун бир томонлама ҳаракат йўлга қўйилади. Бу ҳақда вилоят ИИБ ЙҲХБ маълум қилди.
Хабарда айтилишича, Н. Номонгоний ва Б. Машраб кўчалари кесишган чорраҳадан Н. Номонгоний ва Ибрат кўчалари кесишган чорраҳагача, Н. Номонгоний ва Ибрат кўчалари кесишмасидан Ибрат кўчасининг Ҳамрох кўчаси билан кесишган қисмигача ҳамда Ҳуррият кўчасида ҳаракат бир томонлама этиб белгиланган.
Бу ҳаракат вақтинча синов тариқасида амалга оширилмоқда. Агарда ўйланган режа амалга ошса, яъни тирбандликлар олди олинса, доимий шундай ҳаракат сақланиб қолади.