НАТОнинг RQ-4D юқори баландликдаги разведкачи учувчисиз учиш аппарати блокнинг янги аъзоси Финландия устидан илк парвозини амалга оширди.
Парвоз Россия билан чегарада (Ленинград вилояти ва Карелия ҳудудида) амалга оширилди.
RQ-4D стратегик ҳаво разведка самолёти Италиянинг Сицилия оролидаги Сигонелла авиабазасидан ҳавога кўтарилди, у ерда НАТО учувчисиз учоқлари жойлашган.
НАТО томонидан таъкидланганидек, масофадан бошқариладиган RQ-4D Фених оғир учувчисиз самолёти дунёдаги энг илғор дронлардан бири бўлиб, кенг ҳудудда разведка ва кузатувни таъминлайди. Дрон ҳавода 30 соатгача парвоз қилиши мумкин. У тўплаган маълумотлар алянснинг барча иттифоқчиларига тақдим этилади.