Халқ таълими Матбуот хизматининг хабарига кўра, Навоий вилояти Навбаҳор туманида ўзининг фидойилиги, меҳнатсеварлиги билан ўқувчиларга таълим ва тарбия бериб келаётган икки нафар ўқитувчига президент совғаси сифатида "Cobalt" автомобили совға қилинди.
Автомобиль совғаси топширилган 1-мактабнинг физика фани ўқитувчиси Соҳиба Наврўзова ҳамда 20-мактабнинг география фани ўқитувчиси Обиджон Саидаҳмедов ўз фаолиятлари давомида юзлаб битирувчиларни олий таълим муассасаларига ўқишга киришига ҳисса қўшган.
Маълумот учун: Навбаҳор туманида ўтган 2021 йил битирувчиларининг 76,6 фоизи ОТМга ўқишга кирди.
Эслатиб ўтамиз, аввалроқ Давлат Бобонов Президент совға қилган уйни бориб кўргани ҳамда Токио Олимпиадаси иштирокчиси Райҳона Қодировага "Nexia 3" автомобили совға қилингани ҳақида хабар берилганди.
Чўлпоной Аҳмедова