Навоийда истеъмолга яроқсиз гўшт олиб кетаётган фуқаро ушланди
Ҳолат юзасидан вилоят ИИБ маълумот берди.
Навоий вилоятининг Кармана туманида истеъмолга яроқсиз гўшт маҳсулотлари аниқланди. Бу ҳақда вилоят ИИБ ахборот хизмати хабар берди.
Қайд этилишича, Кармана туманида жойлашган Самарқанд ЙПХ масканида Ласетти русумли автомашина тўхтатилган. Асли бухоролик 30 ёшли фуқаро ҳаракатланиб келаётган машина юкхонасида ва йўловчи ўриндиғи устида истеъмолга яроқсиз 10 бош қўй гўшти борлиги аниқланган.
Маҳсулот ташиш қоидаларига зид, шунингдек ҳеч қандай ҳужжатларсиз олиб кетилаётгани сабабли фуқарога нисбатан қонуний чора кўрилди.
