Ижтимоий тармоқларда Навоий вилоятининг Нурота туманига кучли сел келгани ҳақида хабарлар тарқалди. Ҳолат юзасидан Фавқулодда вазиятлар вазирлиги расмий муносабат билдирди.
Қайд этилишича, 6 ноябрь куни соат 14:25 дан 15:30 гача бўлган вақт оралиғида Нурота туманининг “Оқмачид” МФЙ ҳудудида кучли ёмғир ёғиши натижасида ҳудуддаги сел йўлидан кўп миқдорда ёмғир сувлари келган. Ҳодиса натижасида туманнинг “Нуротабир” қабристонига ўтишда қурилган сел йўли кўпригининг бир қисмига зарар етган. Қабристонга зарар етмаган.
Туманнинг “Нурфахр” МФЙ “Парпиузоқ” массивидаги 3 та аҳоли яшаш уйининг томорқаларига ёмғир суви тўпланган. Ҳодиса оқибатида халок бўлганлар йўқ.
Айни пайтда воқеа жойида вилоят ФВБ раҳбарияти ва шахсий таркиби томонидан юзага келган ҳодиса оқибатларини бартараф этиш чора-тадбирлари кўрилмоқда.