Навоийдаги турмада маҳкум ўз жонига қасд қилгани айтилмоқда
У чойшабдан сиртмоқ ясаб, камера деразасига ўрнатилган темир панжарага ўзини осган.
Bugun.uz'нинг маълум қилишича, Навоий вилоятининг Навоий шаҳрида 25 декабр куни соат 14:40 ларда ИИВ ЖИЭК қошидаги турма участкасида жазо муддатини ўтаётган маҳкум ўз жонига қасд қилган. У чойшабдан сиртмоқ ясаб, камера деразасига ўрнатилган темир панжарага ўзини осиши оқибатида вафот этган.
Жасад суд-тиббий экспертизасига юборилган бўлиб, унинг ўз жонига қасд қилиш сабаблари ўрганилмоқда. Шунингдек, махсус прокуратура суриштирув ишларини олиб бормоқда.
Биздаги маълумотларга кўра, 24 ёшли маҳкум Самарқанд вилояти Тойлоқ тумани судининг 2021 йил 10 ноябрдаги ҳукмига кура, Жиноят кодексининг 97-моддаси 1-кисми (Қасддан одам ўлдириш) va 60-моддалари (Бир неча ҳукм юзасидан жазо тайинлаш) билан 14 йил 6 ой муддатга озодликдан маҳрум этилган.
2022 йилнинг 23 ноябрь куни Тошкент вилояти Олмалиы шаҳар судининг ҳукмига кура, у ЖКнинг 221-моддаси 2-қисми (Жазони ижро этиш муассасаси маъмуриятининг қонуний талабларига бўйсунмаслик) va 60-моддалари билан 4 йил муддатга озодликдан маҳрум этилган, Тошкент вилояти суди апелляция инстанциясининг 2023 йил 21 февралдаги ажримига асосан жазо муддати 14 йилга келтирилган. Маълум бўлишича, шу йилнинг 30 май куни Косон тумани судининг ажримига асосан ўталмай қолган 13 йил 4 ой жазо муддатининг 3 йилини турма тартибида ўташ белгиланган.
