Нурсултон Рўзибоев эртага Миланда жанг қилади
Ўзбекистон ММА оламининг кўзга кўринган вакилларидан бири Нурсултон Рўзибоев (30-8-2) эртага ўзининг навбатдаги жангини ўтказади.
Хабарингиз бор, у Баҳрайннинг “Breve CF” промоушени билан шартнома имзолаган ва унда муваффақиятли юришини бошлаган эди. Яъни, Манамада бўлиб ўтган “Breve CF 47” турнирида франциялик Иброҳим Манени "Slam" услубида нокаутга учратганди.
Ҳамюртимиз навбатдаги жангини 1 август куни айнан ушбу промоушеннинг Италиянинг Милан шаҳрида ташкил қилинадиган кечасида ўтказади. Нурсултонга эртанги жангда россиялик Абдул Абдурагуимов (12-1-0) рақиб бўлади.
