Олий суд раиси энди судья бўлиши мумкин
Президент Козим Комилов номзодини Конституциявий суд судьяси вакант лавозимига таклиф этди.
Президент Ўзбекистон Конституциявий судининг ваколатлари 24 август куни тугаётган 6 нафар судьясининг ўрнига номзодлар юзасидан Олий Мажлис Сенатига тақдимномалар киритди.
Ушбу номзодлар:
- Балкибаева Жанагул Исмайловна;
- Гафуров Аскаржон Бойисович;
- Давлетова Кароматжон Худайбергеновна;
- Исмайлов Рахат Аминбаевич;
- Рахимов Абдуманноб Кузиевич;
- Рахманов Акмал Эргашевич.
Улар Сенат томонидан сайланган тақдирда, ўз ваколатларига 24 август кунидан бошлаб киришади.
Президент ўз тақдимномаси билан Конституциявий суд судьяси вакант лавозимига Ўзбекистон Олий суди раиси лавозимини эгаллаб келган Козим Комиловнинг номзодини таклиф этди.
Шунингдек, давлат раҳбари ўз тақдимномаси билан Президентнинг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси Бахтиёр Исламовнинг номзодини Ўзбекистон Олий суди раиси лавозимига кўриб чиқиш учун Сенатга киритди.
Козим Комилов икки ой аввал Олий суд раиси лавозимига қайта сайланганди. У қайта лавозимга тайинланганида ҳамкасблари қаршисида ҳарбий кийимда кириб келган ва бу чиқишини янги режалари билан боғлаган.
«Ҳарбийча кийимда чиқишимнинг ўз маъноси бор. Олдингидек иш кетмайди, энди сизлар билан ҳарбийчасига ишлаймиз», — дегани айтилганди.
