Ота-оналар учун махсус мобил илова ишга туширилди

 

Маълум қилинишича, “UNICEF” Ўзбекистон Соғлиқни сақлаш ва Мактабгача таълим вазирликлари билан ҳамкорликда 0 ёшдан 6 ёшгача бўлган болаларнинг ота-оналари ва бошқа ғамхўрлик қилувчиларни қўллаб-қувватлаш мақсадида ота-оналар учун “Bebbo” номли ўзининг биринчи мобил иловасининг тақдим этди.

 

Бепул иловада ота-оналар боланинг соғлиғи ва ривожланиши бўйича овқатланиш, кўкрак сути билан боқишдан бошлаб эрта ёшдан таълим ҳамда  ўйиннинг аҳамияти, сезгир ота-оналик, ҳимоя ва хавфсизлик каби мавзу ва муаммолар бўйича мутахассислар маслаҳати билан таъминлайди.

 

Илова 4 та қисмдан иборат. Ота-оналар режалаштирилган эмланишлар, ўтказилган тиббий кўриклар ва болалар саломатлигини текшириш, ривожланишнинг бошқа муҳим босқичларини қайд этиш имконини берувчи функцияларни ўз ичига олади. 

 

Соғлиқни сақлаш вазири Беҳзод Мусаев бу илова ҳақида қуйидаги фикрларни келтириб ўтди:

 

"COVID-19 пандемияси даврида ижтимоий хизмат кўрсатувчилар билан алоқа узилиб қолганида, ота-оналарни ўз вақтида сифатли кўрсатмалар билан қўллаб-қувватлаш эҳтиёжи пайдо бўлади. Фарзандларининг таълим олиши, соғлиғи ва фаровонлиги борасида тез қарор қабул қилиб, қўшимча масъулиятни ўз зиммаларига олган ҳолда биринчи бўлиб жавоб ҳаракатларини амалга ошириш ота-оналар зиммасига юкланади”.

 

Бундан ташқари, энг ҳимояга муҳтож ва чекка ҳудудларда яшовчи болаларнинг ота-оналарини  қўллаб-қувватлашга қаратилган янги миллий дастурларни тадбиқ этиш орқали бутун Европа ва Марказий Осиё бўйлаб “UNICEF” миллий ҳукуматлар билан яқиндан ҳамкорлик қилишда давом этишни ўз режасига қўйган.

 

Эслатиб ўтамиз, аввалроқ  талабалар контракт пулини QR-кодли тўлов-шартномалари орқали тўлаши мумкинлиги, “Сайлов-2021” мобил иловаси яратилгани ҳамда мобил иловада электрон хизматлар сони 100 тага етказилагани ҳақида хабар берилганди.

 

 

Чўлпоной Аҳмедова