Қайд этилишича, коронавируснинг янги штаммини мамлакат ҳудудида чеклаш учун бир нечта хорижий давлатлар билан авиарейслар қатнови тўхтатилади.
Унга кўра, 2021 йил 3 декабрдан 2022 йил 10 январга қадар:
Жанубий Африка Республикаси, Ботсвана, Намибия, Зимбабве, Мозамбик, Мадагаскар, Лесото, Эсватини, Танзания ва Гонконг билан халқаро авиақатновлар (кириш, чиқиш ва транзит рейслар орқали республика ҳудудига кириш) тўхтатилди.
Бундан ташқари, ушбу давлатларнинг фуқаролари ҳамда у давлатларда доимий яшовчи фуқаролиги бўлмаган шахслар, шунингдек, сўнгги 14 кун давомида юқоридаги давлатларда бўлган учинчи давлат фуқаролари Ўзбекистон Республикаси ҳудудига киритилмайди.
Маълумот учун: масъул вазирлик ва идоралар ушбу давлатлардаги мавжуд эпидемиологик вазиятдан келиб чиққан ҳолда улар билан халқаро авиақатновларни босқичма-босқич тиклаш юзасидан таклиф киритиб боришлари мумкин.
Эслатиб ўтамиз, аввалроқ бир қатор давлат фуқаролари Ўзбекистон ҳудудига киришда ўн кунлик карантинга олингани ҳақида хабар берилганди.
Чўлпоной Аҳмедова