Ўзбекистон интернет ресурсларига 3 миллиондан ортиқ киберҳужум уюштирилди
Киберхавфсизлик маркази 2024 йил 1-чорак мониторинг жараёни натижаларини эълон қилди.
Мониторинг жараёнида давлат органлари ва ташкилотларнинг 19 та веб-ресурсларида 70 та заифлик ва камчиликлар аниқланиб, бартараф этилди.
“Киберхавфсизлик маркази” хабарига кўра, ушбу вақт мобайнида интернет тармоғининг миллий сегментида 3 миллион 290 мингдан ортиқ киберҳужумлар кузатилган.
Кибермаконда мавжуд заифликлар ва таҳдидлар тўғрисидаги маълумотларни аниқлаш, тўплаш ва уларни бартараф этиш бўйича чора кўриш мақсадида, марказнинг мониторинг тизимлари орқали давлат органлари ва бошқа ташкилотларнинг ахборот инфратузилмаларида аниқланган 369 минг 660 дан ортиқ кибертаҳдидлар бўйича маълумотлар тегишли ташкилотларга тақдим этилган.
Киберхавфсизлик талабларига риоя этилмагани сабабли сўнгги 3 ой мобайнида UZ домен зонасида жойлашган 45 та веб-сайтда киберхавфсизлик ҳодисаси аниқланди. Шулардан, 12 таси давлат органларига қолган 33 таси хусусий секторга тегишли.
