Бу ҳақда 1-сонли Зангиота ихтисослаштирилган юқумли касалликлар шифохонаси директори ўринбосари Олимжон Исъҳоқов "Ўзбекистон 24" телеканалига берган интервюсида маълум қилди.
“Ҳозирда кўпроқ делта штамми аниқланмоқда. Лекин вазият назоратда. Ҳозир шифокорлар анча тажрибали, протокол бўйича ишламоқда. Олдинги йилга қараганда ўлим кўрсаткичи паст”, дейди шифокор.
У коронавирус тарқалишини тўхтатиш учун аҳоли фаол равишда ваксина олиши кераклигини таъкидлади.
“Охирги вақтларда касалланганлар орасида ҳомиладор аёллар ва болалар сони ортиб кетди. Бу ваксина олинмагунча ҳал бўладиган муаммо эмас экан”, дейди Олимжон Исъҳоқов.
Маълумот учун, Ўзбекистонда июн ойининг охирида коронавируснинг Ҳиндистонда пайдо бўлган “делта” штамми аниқланганди.