Аввалроқ «Ведомости» нашри томонидан Ўзбекистон Фуқаро авиацияси агентлиги (Ўзавиация) Россия авиация маъмуриятига мамлакатлар ўртасидаги ҳаво қатновини кўпайтиришни таклиф қилгани ҳақида хабар қилинганди. Унга кўра, осква ва Тошкент, шунингдек, Санкт-Петербург ва Тошкент ўртасидаги рейслар сонини ошириш режалаштирилмоқда.
«Ўзбекистон ҳаво йўллари миллий авиакомпанияси пойтахтлар ўртасидаги ҳафталик рейслар сонини икки баробарга ошириб, 25 тадан 50 тага етказмоқчи, Санкт-Петербург ва Тошкент ўртасидаги парвозларни ҳафтасига 7 тадан 14 тага ошириш таклиф этилмоқда», — дейилади хабарда.
Транспорт вазирлиги ҳузуридаги Фуқаро авиацияси агентлиги ушбу ҳолатга муносабат билдириб, мазкур хабарлар ҳақиқатга мос келмаслигини маълум қилди.
Қайд этилишича, «Ўзавиация» агентлиги Россия авиация маъмуриятига мамлакатлар ўртасидаги ҳафталик рейслар сонини кўпайтиришни таклиф қилгани ҳақида маълумотлар ҳақиқата тўғри келмайди.
