Бугун тонгда у ерда элчихона маълумотлари эмас "Россиянинг Украинага бостириб киргани" тўғрисидаги пропаганда маълумотлар жойлаштирилган. Хакерлар у ерга портлатилган ҳарбий техника, Украина шаҳарларига "ҳужум" фото ва видеоларини жойлаштириб, ҳаммани намойишга чиқишга чақирган.
Шу кунларда Ўзбекистоннинг Украинадаги элчихонаси 1,5 мингга яқин фуқароларни Украинадан фавқулодда эвакуация қилиш билан фаол шуғулланиб келмоқда.
Ўзбекистон фуқаролари ташкиллаштирилган тартибда Украинанинг Львов шаҳри орқали дастлаб Польшага, ундан сўнг Ўзбекистонга махсус парвозлар орқали олиб чиқилмоқда.
Элчихона саҳифасида ушбу ташкилий ишларни мувофиқлаштиришга доир ахборотлар мунтазам жойлаштириб келинаётган эди.
Маълумот учун: бир неча кун олдин Anonymous гуруҳи хакерлари Россияга нисбатан киберуруш эълон қилишган эди. Шундан сўнг улар Россининг бир неча йирик ОАВлари сайтлари ҳамда Давлат хизматлари порталига киберҳужум уюштиришди.