Пашинян Алиев билан учрашишга тайёр
Бир қатор давлат раҳбарлари эса учрашувни ташкиллаштирмоқчи.
Бир қатор хорижий давлатлар раҳбарлари Арманистон бош вазири Никол Пашинян ва Озарбайжон Президенти Илҳом Алиев ўртасида учрашув ташкиллаштиришга тайёр эканликларини билдирдилар.
“Телефон суҳбатларида мен Алиев билан учрашув ўтказишга тайёр эканлигимни билдирдим, воситачилар эса бундай учрашувни ташкил этиш тарафдори”, — деди Пашинян парламентдаги ҳукумат соатида.
9 сентябрь куни Арманистон бош вазири АҚШ давлат котиби, Эрон Президенти, Грузия бош вазири, Германия канцлери ва Франция Президенти билан телефон орқали мулоқот қилган.
Ҳукумат матбуот хизмати тарқатган хабарларда келтирилишича, суҳбат чоғида Пашинян Озарбайжон Президенти билан кескинликни пасайтиришга қаратилган музокараларни зудлик билан ўтказишга тайёрлигини қайд этган.
