Покистонда Янги йилни нишонлаш тақиқланди
Бу ҳақда мамлакат муваққат бош вазири маълум қилган.
Покистон муваққат бош вазири Анвар ул-Ҳақ Какар Фаластин билан бирдамлик белгиси сифатида мамлакатда барча Янги йил байрамларини нишонлашни тақиқлади.
"Мен барча покистонликларни фаластинликлар билан бирдамликка чақираман. Покистон халқи мотамда. Вазиятни инобатга олиб, Покистон ҳукумати Янги йил билан боғлиқ барча тадбирларни тақиқлашга қарор қилди", - деган Какар.
Маълумот учун, БААнинг Шаржа шаҳри ҳам Фаластин билан бирдамлик сифатида Янги йил байрамини нишонлашни чеклаганди.
