Польша бош вазири ўринбосари Ярослав Качинский мамлакат ҳудудида АҚШ ядро қуролини жойлаштириш учун очиқлигини айтди.
“Агар америкаликлар биздан АҚШ ядро қуролини Полшада сақлашимизни сўраса, биз бунга рози бўлар эдик. Бу Москвани ўраб олишни анча кучайтиради”, деган у.
Сиёсатчининг сўзларига кўра, ҳозирда бундай таклиф қўйилгани йўқ, аммо бу тез орада бўлиши мумкин. Шунингдек, у ташаббус америкаликлардан чиқиши кераклигини таъкидлаган.
Аввалроқ Украина элчихонаси Полша ҳукумати билан Беларус билан чегарани тўлиқ ёпиш бўйича музокаралар олиб бораётгани хабар қилинганди.