Президент ваъда қилган машина ёш тадбиркорга топширилди
Президент Шавкат Мирзиёевнинг Навоий вилоятига ташрифи давомида тадбиркор Мирей Аманбаева билан суҳбатлашган ва тадбиркорга совға ваъда қилган эди.
Вилоят ҳокимлигининг хабар беришича, кеча, 28 август куни Мерей Аманбаевага Президент томонидан ваъда қилинган автомашина топширилган.
Давлат раҳбари билан учрашувда навоийлик тадбиркор Мирей Аманбаева Президентга “Сиз келганингиздан биз ‘дух’ олдик”, деган эди.
Шундан сўнг Шавкат Мирзиёев ҳам ёш тадбиркорга: “Дух” оламиз деяверинг. Менга ёқади “дух” олдик деган”, деб ҳазиломуз жавоб қайтарганди.
Эслатиб ўтамиз, аввалроқ Шавкат Мирзиёев Навоий вилояти Кармана туманида барпо этилган 100 мегаватт қувватга эга илк қуёш электр станциясини ишга туширганди ҳамда давлат раҳбари “Навоийазот” АЖда янги лойиҳаларнинг очилиш маросимида хушхабар келганини айтганди.
