«Қамчиқ»да юк машинаси ёниб кетди
Ҳодиса бугун соат 01:06 да содир бўлгани айтилмоқда.
Бугун, 23 май куни соат 01:06 да Наманган вилояти Поп тумани «Садоқат» МФЙ ҳудудидан ўтган А-373 автомобиль йўлининг 277.5 километрида «Водий-Тошкент» йўналишида ҳаракатланиб кетаётган «DAF» русумли юк автомобилида ёнғин юзага келди. Бу ҳақда Фавқулодда вазиятлар вазирлиги хабар берди.
Қайд этилишича, 2 та ёнғин-қутқарув экипажи соат 01:47 да ҳодиса жойига етиб бориб, ёнғин соат 01:50 да қуршаб олинган ва соат 02:00 да ўчирилган.
Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва моддий зарар миқдори аниқланмоқда.
