Қарши шаҳрида 18 нафар маҳкум жазодан озод этилди
Қарши шаҳрида бўлиб ўтган сайёр судда шаҳар ИИОФМБда Пробация гуруҳи ҳисобида турган бир гуруҳ маҳкумларнинг иши кўриб чиқилди.
Ҳеч ким жиноятчи бўлиб туғилмайди. Шу боис билиб-билмай, эҳтиёцизлик ортидан жиноят содир этган шахсларни тўғри йўлга бошлаб, фойдали меҳнат билан шуғулланишга жалб этиш, жамиятга мослашувини таъминлаш, маҳкумларни ахлоқан тузатиш устувор вазифалардан бири ҳисобланади.
Жиноят қонунчилигида жавобгарликнинг муқаррарлигини таъминлаш билан бирга, қонунга итоаткор маҳкумларга бир қатор имтиёзларни бериш ҳам назарда тутилган. Ушбу нормаларнинг амалдаги реал ижроси сифатида Қарши шаҳар ИИОФМБ Пробация гуруҳи ҳисобида турган, белгиланган мажбуриятларни оғишмай бажарган 18 нафар маҳкум жазодан озод этилди.
