Ярим тунда дори ичган қизнинг отаси эрталаб уни ҳушсиз ҳолда топган ва шифохонага олиб борган. Шифокорлар томонидан кўрсатилган ёрдам туфайли қизнинг ҳаёти сақлаб қолинган. Ҳозирда қиз беҳуш аҳволда. Қизнинг яқинларининг айтишича, бундай ҳолат биринчи марта кузатилмаган. Аввалроқ қиз ўзини осиб, жонига қасд қилишга уринган. 

Қайд этилишича, 2020 йил октябрь ойида 2002 йилда туғилган йигит Q.Sh.ning қариндошини уйига боргани, у ерда йигит унинг номусига теккани, уйқу дори бериб мажбурлагани ва уятсиз ҳолатда суратга тушириб олганини айтган.

“Ўша куни бир аҳволда уйга қайтдим. Орадан вақтлар ўтгандан кейин, йигит яна менга қўнғироқ қилди ва турли смсларни ёзди. У телефонида менинг ялонғоч суратларим борлигини, агар яна жинсий алоқа қилмасам бу суратларни ота-онамга ва қариндошларимга кўрсатишини айтди. Расмларни ўзига қурол қилиб олди. Кейинчалик суратларимни тарқатиб юборишидан қўрқиб, у билан 2 ёки 3 марта жинсий алоқа қилишга мажбур бўлдим», — деган қиз мухбир билан суҳбатда.
Қизнинг қўшимча қилишича, йигит у билан ғайритабиий усуллар орқали жинсий алоқада бўлиб, турли жойларига жароҳат етказган.

Қашқадарё вилоят ИИБ Ахборот хизмати хабарига кўра, ҳолатга ойдинлик киритиш мақсадида Ш.Ж.га нисбатан бир неча бор судга оид тиббиёт экспертизаси тайинланиб, экспертиза хулосалари олинган.

Терговга қадар текшириш натижасига кўра, Тергов бошқармаси суриштирувчиси томонидан Ш.Қ.нинг ҳаракатларида жиноят аломатлари йўқ деб топилиб, тўпланган ҳужжатларга асосан, ЖПКнинг 83-моддаси 2-банди тартибида жиноят иши қўзғатишни рад этиш тўғрисида қарор қабул қилинган ва натижаси аризачи М.Ш.га алоқа хати орқали ёзма маълум қилинган.

Ҳозирда ҳолат бўйича суриштирув олиб борилмоқда.

Аввалроқ Самарқандда 11 синф ўқувчиси ўз жонига қасд қилгани ҳақида хабар қилинганди.