Қаршида 24 туп дарахт ноқонуний кесиб ташланди
Оқибатда табиатга 156 млн зарар етказилган.
Ижтимоий тармоқда Қашқадарё вилоятининг Қарши шаҳрида 24 туп дарахт ноқонуний кесилгани бўйича хабар тарқалди. Ҳолат юзасидан вилоят экология бошқармаси расмий муносабат билдирди.
Маълум қилинишича, ушбу ҳолат Қарши шаҳар “A. Навоий” МФЙ “Гулмачит” кўчасида яшовчи фуқаро О. В. томонидан содир этилган. Фуқаро ноқонуний равишда ҳеч қандай рухсат олмасдан ўзбошимча тарзда 22 дона Эльдор қарағайи ҳамда 2 дона Терак дарахтларини кесган.
Унга нисбатан Маъмурий жавобгарлик тўғрисидаги кодекснинг 79-моддаси 1-қисми билан маъмурий баённома тузилиб, 3 млн жарима қулланган. Табиатга етказилган зарар миқдори 156 млн сўм ҳисобланиб, ҳуқуқни муҳофаза қилиш органларига ўтказиш учун ҳужжатлар расмийлаштирилган.
