Қашқадарё вилояти ИИБ ахборот хизматининг хабар қилишича, вилоят божхона бошқармаси Контрабандага қарши курашиш ва божхона аудити бўлими ҳамда вилоят ИИБ ходимлари томонидан Миллий Гвардия Қашқадарё вилояти бошқармаси ходимлари билан ҳамкорликда тезкор тадбир ўтказилди.
Маълум бўлишича, Косон туманида 2021 йил 13 ноябрь куни соат 14:20 ларда "Шабода" туйхонаси олдида тўхтаб турган Ўзбекистон Республикаси фуқароси Н.А бошқарувидаги "Damas" русумли автотранспорт воситаси тўхтатилди. Холислар иштирокида кўздан кечирилганда, автотранспорт воситаси салонида умумий қиймати 14 миллион 400 минг сўмлик 480 қутидан иборат “Трения" ёзувли ноқонуний пиротехника воситалари борлиги аниқланди.
Айни вақтда ҳар иккала ҳолат бўйича қонуний қарор қабул қилингунга қадар вақтинчалик сақловга олинди.
Эслатиб ўтамиз, аввалроқ аввалроқ Бухорода 8800 дона пиротехника воситаларини ноқонуний равишда сотаётган шахс ушлангани ҳамда Андижонда 63 миллионлик ноқонуний пиротехника воситалари тўхтатиб қолингани ҳақида хабар берилганди.