Андижонда Миллий гвардия ҳамда вилоят Божхона бошқармаси ходимлари ҳамкорлигида тезкор тадбир ўтказилди.
Жараён давомида Машраб кўчасида давлат рақами “60 Р 871 QA” бўлган “Damas” русумли автомашинаси тўхтатилиб кўздан кечирилган. Машина салонидан “ТРЕНИЯ” номли 3 840 қути (211 200 дона) ва 750 қути (7 500 дона) “ПЕТАРДЫ” номли пиротехника воситалари мавжудлиги аниқланган.
Уларнинг умумий қиймати 63 миллион сўмга баҳоланган.
Ҳозирда мазкур ҳолат юзасидан ҳужжатлар расмийлаштирилган ва дастлабки тергов-суриштирув ишлари олиб борилмоқда.
Эслатиб ўтамиз, аввалроқ Бухоро вилояти божхона бошқармаси 8800 дона пиротехника воситаларини ноқонуний равишда сотаётган шахсни ушлаганди. Шунингдек, Навоийда XIX асрга тегишли танга ва қоғоз купюраларни хорижга олиб чиқиб кетаётган шахслар аниқлангани ҳақида хабар берилганди.
Чўлпоной Аҳмедова