Қирғизистонда Салим Абдувалиев қидирувга берилди
У уюшган жиноий гуруҳни молиялаштиришда айбланмоқда.
Қирғизистон давлат миллий хавфсизлик қўмитаси Салим Абдувалиевни қидирувга берди.
Айни вақтда Ўзбекистонда жазо муддатини ўтаётган 73 ёшли Салим Абдувалиев Қирғизистонда уюшган жиноий гуруҳини молиялаштиришда айбланмоқда. Бишкек шаҳар Октябрь туман суди қарори билан Салим Абдувалиевга нисбатан қамоққа олиш тарзидаги сиртдан эҳтиёт чораси қўлланиб, у давлатлараро қидирувга берилган.
Салим Абдувалиев 2024 йил 19 март куни жиноят ишлари бўйича Миробод туман судининг ҳукми билан 6 йил озодликдан маҳрум қилинган. У 2023 йилнинг декабрида ўқотар қуролни қонунга хилоф равишда сақлашда гумонланиб ушланганди.
