Қиролича вафотининг яна бир асл сабаби очиқланди
Шу пайтгача қиролича ҳужжатларида ўлимга қарилик сабаб қилиб кўрсатилган.
8 сентябрь куни ҳаётдан кўз юмган Буюк Британия қироличаси ҳужжатларида ўлим сабаби сифатида қарилик қайд этилган. Қиролича 96 ёшда эди.
Аммо қироллик биографларилан бири Елизавета II ҳаётининг сўнгги йилларида саратонга қарши курашганини эълон қилди.
Қироличанинг турмуш ўртоғи шаҳзода Филиппнинг яқин дўсти, биограф Джайлс Брандрет қиролича орқа мия саратонига (миелома) чалинганини айтмоқда. У ўз сўзларини қиролича ўлимидан олдин ҳаракатланиш имконини йўқотгани, озгани ва тез чарчаб қолиши билан исботламоқда.
Брандрет марҳум қиролича ҳақида китоб ёзган. Букингем саройи ҳозирча Брандретнинг сўзларига жавоб қайтармади.
