“Қизимга нафақат буйрагим, балки жонимни ҳам беришга тайёрман”
Ота 4 йилдан бери хаста қизига бир буйрагини берди.
Соғломлаштириш акцияси доирасида буйрак трансплантацияси ўтказилди. Бу ҳақда ССВ хабар берди.
Эллик олти ёшли Ҳусанбой Кусиенов ҳали ўттизга ҳам кирмаган дилбанди, яккаю ёлғиз қизига бир буйрагини берди . Беморнинг тўрт йил аввал буйрагида оғриқлар пайдо бўлиб, ўзини анча олдириб қўйган.
“... Шу дамларда тезроқ уйга қайтиш ҳақида ўйлаяпман. Энди жажжи фарзандларим соғиниб қучоғимга талпинганида, етти мучаси соғ бошқа оталар каби уларни бемалол опичлаб юра олишимни тасаввур қилсам, юрагим ҳаприқиб кетяпти. Уйга бемор эмас, бахтиёр инсон бўлиб қайтиш насиб этаётганидан бошим осмонда...
... Мана, операцияга олиб киришяпти болагинамни. Уни Тошкентдан келган профессорлар даволашини эшитиб, янаям хотиржам бўлдим. Биз соғлигимизга етарли эътибор қилиб, шифокорлар ҳузурига ўз вақтида бора олмасак ҳам, уларнинг ўзлари беморлар олдига келиб, дардимизга малҳам бўляпти. Тиббиёт халққа яқинлашаётгани шу-да, болам...”, - дейди ота.
