Вазир Дудинкага мамлакатнинг Арктика зонаси ҳудудларини фавқулодда вазиятлардан ҳимоя қилиш бўйича машғулотларда иштирок этиш учун келган.
У дастлаб Красноярск ўлкаси губернатори Александр Усс билан Норилскдаги янги ўт ўчириш пункти қурилишини бориб кўрди.
"Норилскда Арктика зонасини фавқулодда вазиятлардан ҳимоя қилиш, одамлар ҳаётини сақлаб қолиш бўйича идоралараро машғулотлар пайтида Фавқулодда вазиятлар вазири Евгений Зиничев фожиали тарзда вафот этди", деб ёзади вазирлик матбуот хизмати.
РТ телеканали бош муҳаррири Маргарита Симоняннинг сўзларига кўра, Зеничев канал оператори билан бирга тўсиқдан йиқилиб вафот этган.
Улар зудлик билан вертолётда шифохонага олиб кетилаётган пайтда вафот этган.
Эслатиб ўтамиз, бугун эрталаб Россияда кўп қаватли уйда газ портлаши натижасида икки киши ҳалок бўлди, 13 киши жароҳатланди.
Насиба Тўхтаева