Россияга иккинчи чоракда энг кўп мигрант қайси давлатдан кириб келган?
Рўйхатдан асосан МДҲ давлатлари ўрин олган.
2022 йилнинг иккинчи чорагида Россияга ишлаш учун энг кўп Ўзбекистон фуқаролари келган. Бу ҳақда FinExpertiza консалтинг тармоғи маълумотларига асосланиб “Коммерсантъ” хабар берди.
Унга кўра, ўтган уч ойда 1.5 миллиондан ортиқ ўзбекистонлик Россияга ишлаш мақсадида кириб келган. Ундан кейинги ўринларда Тожикистон (953 минг), Арманистон (108.2 минг) ва Озарбайжон (79 минг) турибди.
Мигрантлар асосан Москва ва Москва вилояти, бундан ташқари, Санкт-Петербург ва Ленинград вилоятида меҳнат қилади.
Аввалроқ Ўзбекистондан Россия шаҳарларига автобус қатновини тиклангани тўғрисида хабар берилганди.
