Россиялик хакерлар Америка компаниясидан 5,9 миллион доллар талаб қилди
Россиялик хакерлардан иборат BlackMatter кибер гуруҳи Американинг йирик дон ва гўшт етказиб берувчиси “New Cooperative”га ҳужум қилди. Хакерлар озиқ-овқат компаниясидан 5,9 миллион доллар талаб қилган. Бу ҳақда “The Washington Post” ўз манбаларига таяниб хабар бермоқда.
Хакерлар компаниянинг компютерларини блокировка қилиш учун вируслардан фойдаланган. Шунингдек, улар ўғирланган технология маълумотларини ошкор қилиш билан таҳдид қилди. Пул 25 сентябргача тўланиши керак.
Нашрнинг қайд этишича, “New Cooperative” баъзи тизим ва операцияларни қайта тиклашга муваффақ бўлган. Бироқ эҳтиёт чораси сифатида компаниянинг компютер тармоқлари узилган, бу унинг ишини анча мураккаблаштиради.
Газетанинг ёзишича, компания вакиллари хакерлар билан музокара ўтказишга уринган. Бу музокаралар қандай якунлангани тўғрисида маълумот йўқ.
Насиба Тўхтаева
