Самарқандда 49 киши Англияга ишга бораман деб чув тушди
Уларни ишга юборишни ваъда қилган шахсга жиноий иш очилди.
Иқтисодий жиноятларга қарши курашиш департаменти хабарига кўра, Оқдарё туманида икки кишини Англияга ишга юбориш учун 4,5 минг АҚШ доллари олган шахс 700 доллар ва 1,2 млн сўмни қайтараётганда ушланган.
Тергов давомида фуқаро яна 47 кишидан четга ишга юбориш эвазига 31 160 АҚШ доллари олгани аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.
