Самарқандлик эркак хотинини кетмон билан уриб ўлдирди
Унга нисбатан 19 йил қамоқ жазоси тайинланди.
Ушбу ҳолат жорий йилнинг 14 июль куни Ургут туманида содир бўлган. Оилавий келишмовчилик сабаб келиб чиққан жанжал ўлим билан якунланган. Аниқланишича, марҳум аёл 23 ёшда бўлиб, унинг 2 нафар фарзанди бўлган.
“Билмай, бехосдан қилган жиноятим учун ҳаммадан узр сўрайман. Кечиринглар”, - деган судланувчи суд залида.
Суд ҳукмига кўра, судланувчи эркак ЖКнинг 97-модда 2-қисми “ж” банди билан айбдор деб топилиб, унга нисбатан 19 йил муддатга озодликдан маҳрум қилиш жазоси тайинланган.
