Испания қиролининг қизи, 17 ёшли Астурия маликаси Леонор август ойидан бошлаб армияда хизмат қилади. Маликанинг ҳарбий тайёргарлиги уч йил давом этади.
"Барча парламент монархияларида бўлгани каби тахт вориси ҳарбий маълумотга ва армия мартабасига эга бўлиши керак", — дея изоҳ берди Испания мудофаа вазири Маргарита Роблес бу маълумотга.
Малика биринчи йилни Сарагосадаги Олий ҳарбий академияда ўтказади, иккинчи йили у денгиз мактабига боради, у ерда, хусусан, Хуан Себастян де Элкано баркасида ўқийди. Хизматнинг учинчи йилида тахт вориси Бош ҳаво кучлари академиясида таҳсил олади.
Айни дамда испан монархининг қизи Буюк Британиядаги Атлантика коллежини тамомламоқда. 31 октябрда у 18 ёшга тўлади.
"Бир кун келиб аёл киши бош қўмондон бўлади. Сўнгги йилларда биз армиядаги аёллар сонини кўпайтириш учун катта саъй-ҳаракатлар қиляпмиз”, — деди вазир Роблес.
Малика Леонор 2005 йилда туғилган ва Испания монархиясининг ворислиги бўйича биринчи ўринда туради. У қирол Филипп ВИ ва қиролича Софиянинг тўнғич қизи.