Серхио Агуэро «Barselona»дан норозилигини билдирди
Испаниянинг «Barselona» клуби ҳужумчиси Серхио Агуэро Каталонияликлар ва Манчестерликлар ўртасидаги фарқлар ҳақида гапирди.
Аргентиналикнинг сўзларига кўра, у жамоанинг машғулотларга бўлган ёндашувидан норози.
“Биз, одатда, «Ман Сити»нинг расмий машғулотларига камида бир ярим соат олдин борардик. Мен бу ердаги спорт залида ҳам шундай муҳит шаклланганми деб ўйладим ва машғулот базасига бир соат олдин етиб бордим. Аммо ҳайратда қолдим, чунки ҳали залнинг ёритиш чироқлари ҳам ишлатилмаган эди”, - дейди футболчи ўз нутқларидан бирида.
Маълумот учун, Агуэро июнь ойининг бошларида «Барса» футболчиси сифатида таништирилганди. Бироқ спортчи машғулотларда олган жароҳати сабабли, жамоа сафидаги илк дебютини ўтказа олгани йўқ.
Месси билан бирга ўйнаш орзусида Испанияга келган «шаҳарликлар» афсонаси жамоа Леони қўйиб юборганидан норози эканлигини ҳам билдирганди.
Эслатиб ўтамиз, аввалроқ “Барселонанинг тугатолмай қолган трансфери ҳақида хабар бергандик.
Мақсаджон Обиджонов
