Шартнома асосида муддатли ҳарбий хизматни ўташ учун танлов шартлари ўзгартирилди
Бу бўйича Низомга ўзгартириш киритилди.
Мудофаа вазирининг тегишли буйруғи билан “Ўзбекистон Республикаси Мудофаа вазирлиги қўшинларига контракт бўйича ҳарбий хизматга номзодларни саралаш тартиби тўғрисидаги низом”га ўзгартириш ва қўшимчалар киритилди.
Энди контракт бўйича ҳарбий хизматга номзодларни саралашда умумий ўрта, ўрта махсус, профессионал ёки олий маълумотга эга бўлган қуйидаги фуқаролар иштирок этиши мумкин:
- 18 ёшдан 30 ёшгача бўлган шахслар;
- муқаддам контракт бўйича ҳарбий хизматни ўтаган 40 ёшгача бўлган шахслар;
- резервдаги ва захирадаги 40 ёшгача бўлган офицерлар.
Бунда эркак жинсидаги номзод муддатли ҳарбий хизматни ўтаган (ўтаётган) ёки СЧРда ҳарбий хизматни ўтаган ёхуд ОТМ ҳарбий тайёргарлик ўқув бўлинмаларида ўқишни тугатган бўлиши, шунингдек, ҳарбий рўйхатда турган бўлиши керак.
