Шавкат Мирзиёев Наманганда биринчи навбатда ҳал этилиши лозим бўлган масалаларни санаб ўтди
Президентликка номзод Шавкат Мирзиёев Наманганда биринчи навбатда ҳал этилиши лозим бўлган масалалар ҳақида сўзлади.
- 127 мингдан зиёд аҳоли ишсиз бўлиб, ҳар йили меҳнат бозорига қўшимча 42 минг нафар ёшлар кириб келмоқда. 27 минг оила доимий даромад манбаига эга эмас.
- Мингбулоқ, Косонсой, Тўрақўрғон, Поп ва Чустда ичимлик суви таъминоти даражаси жуда паст, 27 та маҳалла эса марказлашган ичимлик суви билан умуман таъминламаган.
- вилоятда уй-жойга эҳтиёж катта. Биргина Наманган шаҳрида келгуси беш йилда аҳоли 1 миллион нафарга етиши ҳисобига, қўшимча 52 мингта уй-жойга эҳтиёж мавжуд.
- қишлоқ ва сув хўжалигида Косонсой, Поп, Чуст, Янгиқўрғонда сувсизлик сабабли 19 минг гектар қишлоқ хўжалиги ерлари ишлатилмаяпти.
- соғлиқни сақлаш ва таълим тизимларида ҳам, ҳали ечимини кутаётган кўплаб масалалар мавжуд. Вилоятда 709 минг нафар ёки 25 фоиз аҳолининг сурункали касаллиги бор.
- Наманган шаҳри (47 фоиз), Чортоқ (53 фоиз) ва Косонсойда (54 фоиз) мактабгача таълим қамрови жуда паст (вилоятда 68 фоиз). Айниқса, 58 та маҳаллада боғча умуман йўқ.
Вилоятдаги 37 та мактаб қувватига нисбатан 2 баробар кўп юклама билан ишламоқда, - деди Шавкат Мирзиёев.
Эслатиб ўтамиз, бундан аввалроқ Шавкат Мирзиёев Усмон Носир таваллудининг 110 йиллигини муносиб нишонланиши ҳамда давлатимиз раҳбари Наманган, Фарғона ва Андижон вилоятларида бўлиши ҳақида хабар берилганди.
