Татаристоннинг Мензелинск шаҳрига бортида 22 киши бўлган самолёт қулаб тушди
Татаристоннинг Мензелинск шаҳрида бортида 20 нафар парашютчи ва иккита экипаж аъзоси бўлган Л-410 самолёти қулаб тушди. Бу ҳақида Риа Новости хабар берди.
Мензелинскда Л-410 энгил самолёти қулаши оқибатида камида 15 киши ҳалок бўлди. Самолёт бортида жами 22 киши бўлган.
Самолёт бортида 20 нафар парашютчи ва иккита экипаж аъзоси бўлган. 7 киши қутқарилди, 15 киши ҳаёт аломатлари бўлмаган ҳолда олиб чиқилди,
- дейилади Фавқулодда вазиятлар вазирли берган хабарда.
Татаристон Соғлиқни сақлаш вазирлиги маълумотларига кўра, барча жабрланганлар касалхонага олиб кетилган, улардан бирининг аҳволи оғир.
