Ижтимоий тармоқларда Сурхондарё вилояти Сариосиё туманида жойлашган Тўпаланг сув омборида сув чиқаётгани тўғрисида хабарлар тарқалди. Мазкур ҳолат юзасидан ФВВ дастлабки маълумотларни маълум қилди.
Хабарга кўра, бугун 22 июнь куни соат 08:14 ларда Тўпаланг сув омборидан чиқаётган сув кескин кўтарилган, Тўпаланг ГЭС сув омбор лойиҳаси қуввати 400 млн.М.куб, амалда 378,87 млн.м.кубни ташкил этмоқда. Сув ташламаси режавий 70 м.куб.сек. 2022 йил 22 июнь куни ҳозирга вақтда 110 м.куб сек.ни ташкил этмоқда.
Сув омборининг мустаҳкамлигига зиён етмаган. Айни вақтда чиқарилаётган сув ҳажмини камайтириш ишлари олиб борилмоқда.