Тошкент аэропорти яқинида ёнғин юз берди
Ҳолат юзасидан расмий муносабат билдирилди.
Бугун, 6 июль куни соат 11:20 атрофида Сергели тумани Тошкент халқаро аэропорти автотураргоҳида жойлашган кафеларнинг бирида ёнғин содир бўлди.
Воқеа жойига ёнғин-қутқарув экипажлари соат 11:28 да етиб бориб, ёнғин соат 11:32 да ўчирилган.
Ёнғин натижасида кафе биносининг 5 квадрат метр шифт қисми ёниб зарарланган. Ҳозирда ёнғин сабаби ва келтирган зарари аниқланмоқда. Ёнғин натижасида тан жароҳати олган ва ҳалок бўлган фуқаролар йўқ.
