Тошкентда 13 ёшли қизга шилқимлик қилган кондуктор қамалди
Унга 5 сутка маъмурий қамоқ жазоси тайинланди.
Тошкент шаҳрида мактабдан қайтаётган вояга етмаган ўқувчи қизга ҳар хил саволлар бериб, унинг юзидан силаб, бошидан ўпмоқчи бўлиб шаҳвоний шилқимлик содир этган 43 ёшли эркак қамалди.
Ҳолат юзасидан ўтказилган суд мажлиси қарорига кўра, судланувчи МЖТКнинг 41-1 моддаси 1-қисми билан айбли деб топилиб, унга нисбатан 5 сутка маъмурий қамоқ жазоси тайинланди.
Жазо ўталганидан сўнг эркакдан маъмурий қамоқнинг хар бир суткаси учун БҲМнинг 15%и миқдорида 56 минг 250 сўмдан жами 281 минг 250 сўм ундириш белгиланди.
