Ижтимоий тармоқда Тошкент шаҳрининг Чилонзор тумани Чўпонота кўчаси ҳудудида автокран ағдарилгани акс этган видео тарқалди. Ушбу ҳолат юзасидан Саноат, радиация ва ядро хавфсизлиги қўмитаси расмий муносабат билдирди.
Қайд этилишича, мазкур ҳолатда автокран ҳайдовчининг эҳтиётсизлиги оқибатида таъмирлаш ишлари олиб борилаётган чуқурга яқин бориб қолган. Бунинг натижасида автокран ўз оғирлиги билан сирпаниб, ер қатламининг ўпирилиши натижасида чуқурга тушиб қолган.
Ушбу ҳолат натижасида автокран ҳайдовчиси ва ҳудудда таъмирлаш ишларини олиб бораётган ишчи ходимлар жабрланмаган.